بنت كل يوم تصحى من النوم وتلاقي على جسدها ....

بسم الله الرحمن الرحيم...

السلام عليكم ورحمة الله وبركاته..

كيفكم ان شاء الله انكم كويسين.

اسمعو القصه والله حقيقيه سمعتها أختي من الدكتوره حقت

قسم الدراسات الاسلاميه في الجامعه.. والدكتوره اصلا داعيه معروووفه جدا في مدينة جده...

ــــــــــــــــــــــــــــــــــــــــــــــــــ ــــــ

تقول الداعيه:

في يوم من الايام.. جاتني طالبه من الطالبات.. وعلى وجهها اثار الحزن والإكتئاب..

قالت لي: دكتوره ممكن آخذ من وقتك دقائق؟؟؟

قلت لها: تفضلي كيف اقدر اساعدك..

قالت الطالبه: يا دكتوره انا بنت مو متزوجه .. ولما اجي انام كل يوم احس انو احد يجامعني..؟؟؟!!!

والدليل اني اذا صحيت من النوم اشوف اثار هذا الجماع على ملابسي..؟؟؟؟

وانا احس يا دكتوره ان هذا الشخص مو من البشر؟؟ اتوقع انو جني...

في البدايه الدكتوره ماكانت مصدقه وكانت تقولها:

يابنتي الله يهديك اكيد انتي تحلمي او تفكري في هذي الاشياء
عشان كذا انتي توسوسي...

لازم قبل ماتنامي تقري اذكار النوم..

وقاطعتها الطالبه : لا لا لا يادكتوره .. الكلام هذا حقيقي

حتى شوفي رقبتي....؟؟؟؟!!!!!

وكان على رقبتها اثار .....؟؟

اندهشت الدكتوره خاصة انها تعرف هذي الطالبه انها سمعتها ممتازه..

قالت الدكتوره: طيب انتي قلتي لأمك على الشي هذا؟؟؟؟

قالت الطالبه : لا طبعا

وقامت الدكتوره سألت الطالبه كذا سؤال عشان تقدر تساعدها...

ولما خلصت من الاسئله وفهمت الدكتوره كل الكلام ..

قالت: شوفي يابنتي .. اول خطوه تقولي لأمك كل اللي صار

ثاني شي اليوم لما تبغي تنامي .. تبادلي انتي وامك في الغرف..

انت نامي في غرفة امك .. وامك تنام في غرفتك..

ونشوف اذا كان جني زي ماتقولي او لا...

المهم...

رجعت البنت وقالت لأمها .. وطبعا الام مرررره انفجعت..

وجا الليل.. واتفقت الأم والبنت كل وحده تنام في غرفة الثانيه..

المهم

الام فوق سرير البنت مسويه نفسها انها نايمه..

وشويه تسمع الام صوت شخص قادم.....؟؟

وتكمل الام دورها.. وشويه الا واحد رجل اسود كبير الجثه يدخل عليها من الباب..

وتصيح الام...

يروح الرجل هذا يقول: ((أنا عشيقك الجني)).>> يضحك عليها

المهم في النهايه يقبضو عليه

ويطلع هذا اللي كانت البنت تقول عليه انو جني

يطلع(( حارس العماره)) اللي ما يخاف الله..

المهم

اكتشفت الطالبه انو كلامها صحيح بس مو جني ...

واكتشفت انو لما كانت تصحى في الليل وهيا مفجوعه كان يشممها شي بالقوه ((مخدر)) عشان ماتقاوم..

لا حول ولا قوة الا بالله...

ــــــــــــــــــــــــــــــــــــــــــــــــــ ــــ

وترى انا ما قلت هذي القصه عشان ابغى افضح الناس ولا حاجه...

فقط للموعظه.. واتمنى اني ما أكون اخطأت في تفاصيلها وعذرا على بعض الالفاظ

الله يكفينا شر المصائب وشر مافي الغيب

ودمتم بحفظ الرحمن

منقول لعيونكم

لا حول ولا قوة الا بالله

لاحول ولا قوة الا باللــــــــــــــــــــــــــــــــــــــــــــه